لِسّـــاكي خايفة .. من أفكاري ومن أسراري .. ؟

إيه أخبارك .. ؟!
لسة حزيـــنة .. ؟
"إيــــه أخباري .. ؟!"
أنا أخباري زي ما هيّــة ..

لِسّـــاكي خايفة .. من أفكاري ومن أسراري .. ؟!
من أحلامي ومن أمانيـّا ..؟
يمكن خايفة ..
طَب مانا برضو زيك خايف ..
لكن عارف ..
إنّ الحب في قلبي يساعك ..
إنّ الحب في قلبي جنوني ..

أيوة أنا عارف ..
إنِّــِك كوني ..
وإن الدنيا بحالها ملامحك ..
وإنّك أحلي النّاس بعيوني ..

يمكن خايفة ..
بس أنا برضو زيّك خايف ..
لكن شايف ..
إنّي في كلمة حروفها ب.ح.ب.ك ..
عايش بيها وعايش بيكي ..
وإنّ مشاعري نغَم حواليكي ..
وإنّي عشانك ممكن أضحّي . .لازم أضحّي ..
ولو هتخافي ..
أنا مش خايف ..
أصلِك ناسي وأملي وفرحي ...

لـِ عمــرو فؤاد